Me dhimbje dhe respekt, u mbajt mbledhje komemorative për mësimdhënësin e ndjerë Hazbi Topojani (1974–2026), e organizuar nga SHFK “Hasan Prishtina” në bashkëpunim me Komunën e Çairit, ku familjarë, kolegë, miq dhe përfaqësues institucionalë kujtuan jetën dhe veprën e tij.
Drejtoresha e SHFK “Hasan Prishtina”, znj. Esma Fazlija, vlerësoi kontributin e tij në arsim, ndërsa kolegu Xhelal Ramadani ndau kujtime personale. Në vijim, znj. Mjellma Gashi nga Departamenti i Arsimit në Komunën e Çairit theksoi angazhimin e tij institucional, përfshirë edhe drejtimin e Shkollës për të rritur “Anton Semejnoviq Makarenko”. Fjalë rasti mbajti edhe Zëvendëskryeministri i parë dhe miku, z. Bekim Sali,
Në fund, me emocione të veçanta, disa fjalë për babain e tij ndau edhe djali i të ndjerit, Ermal Topojani.
I përjetshëm qoftë kujtimi për të.
Mbledhje komemorative në nderim të Hazbi Topojanit
