Në kuadër të projektit “Integrimi ndëretnik në arsim” (INA), SHFK “Vlado Tasevski” nga Komuna e Karposhit ishe nikoqir i SHFK “Hasan Prishtina” nga Komuna Çairi.
Me këtë rast, nxënësit e të dy shkollave partnere organizuan aktivitete në fushën e sportit, artit dhe muzikës, me realizimin e të cilave forcuan marrëdhëniet e partneritetit mes tyre.
Gjithashtu, u zhvillua një punëtori e përbashkët në fushën e arsimit teknik, ku nxënësit e të dy shkollave demonstruan të gjitha aftësitë e këtij lloji të mësimdhënies.
Në këto aktivitete në nivel ndëretnik u përfshinë edhe nxënës me nevoja të veçanta, të cilët kontribuan në një gamë më të gjerë të përfitimeve nga projekti INA.
Qëllimi i këtij bashkëpunimi dhe shoqërimi është shkëmbimi i përvojave nga procesi edukativo-arsimor, si dhe socializmi i fëmijëve dhe njohja reciproke me zakonet.
Në këtë aktivitet morën pjesë drejtorët e dy shkollave partnere, koordinatorët e ekipeve të INA-s, si dhe anëtarë dhe mësimdhënës nga të dyja shkollat.
Projekti financohet nga Ministria e Arsimit dhe Shkencës.
