Takimi i dytë me shkollën partnere “Jan Amos Komenski” ishte vizita e panairit të librit.
Në kuadër të projektit INA (integrimi ndëretnik arsimor) nxënës të klasave të katërta të dy shkollave ishin në panairin e librit. Aty u ndalën në shtëpinë botuese “Prosvetno Dello” ku patën një takim me shkrimtarët Fejzi Bojku, Nertila Pitarka.
Nxënësit parashtruan pyetje rreth jetës dhe karrierës së shkrimtareve. Recituan vargje nga librat e tyre të fundit, si dhe morën nga një libër si dhuratë nga shkrimtarja e re Nertila Pitarka e cila është edhe profesorësh në kolegjin “Jahja Kemal”.
Projekti i përbashkët do të zhvillohet në tre periudha, në të cilën do të përfshihen 30 nxënës prej klasës së dytë deri të pestën nga të dy shkollat, së bashku më arsimtarët përgjegjës.
Në nivel republikan në këtë aksion marrin pjesë 8 shkolla, katër në gjuhën shqipe dhe 4 në gjuhën maqedone. Qëllimi i projektit është që nëpërmjet aktivitetet e organizuar nxënësit të promovojnë multikultularizëm, të drejta e njeriut, demokracinë, të drejtën dhe barazinë sociale, në veçanti ti zvogëlojnë stereotipat, paragjykimet dhe diskriminimin.
