Sot kryetari i komunës së Çairit, Visar Ganiu sëbashku me drejtoreshën Lulieta Qerimi dhe përfaqësuesin e Ministrisë së Arsimit dhe Shkencës Amir Shabani ndan katër vendime pune për mësimdhënësit tanë: Ellzina Poliku, Allmira papiq, Zinka Ganiq dhe Silvija Mitevska.
“Ndjehem shumë i lumtur dhe njëkohësisht shumë i respektuar, për mundësinë që e kam sot të ndaj vendimet e punësimit. Atyre që i përkulemi tanë jetës, profesionit më të çmuar të njerëzimit, mësuesve tanë. Ndjej poashtu, edhe obligim ndaj fëmijëve, që para tyre të sjell persona të dashur dhe me shumë përkushtim për punën. Sa herë duke u nisur nga motoja “Një mësues i mirë është si një qiri: Ai konsumon veteveten për t’ua ndriçuar rrugën të tjerëve” deklaroi Ganiu
“Ju dëshiroj suksese të mëtutjeshme dhe t’i gëzojnë këto vende pune me plotë shëndet dhe me shumë përkushtim. Një faleminderim ministrit të arsimit dhe shkencës, Arbër Ademit dhe kryetarit të komunës Çair, Visar Ganiut që çdoherë japin kontributin e tyre në zhvillimin e arsimit në komunën tonë” -deklaroi Lulieta Qerimi .
Përveç 4 vendimeve kryetari i komunës Visar Ganiu ndau edhe 22 vendime tjera për mësimdhënës të shkollave fillore.
