Sot drejtoresha e shkollës Lulieta Qerimi, këshilltari i kryetarit të komunës Çair dhe drejtorë i SHFK “Jashar Bej Shkupi, Muzafer Rexhepi dhe psikologu Nezir Bekteshi pritën një delegacion nga Shqipëria dhe Kosova.
Pjesë e delegacionit ishte drejtoresha Petraq Deda e shkollës 9-vjeçare “Anastas Laska” f. Libofshe, Fier, drejtori Xhavit Saiti i shkollës fillorë “Dëshmorët e 5 Prillit” Smirë, Zymer Haliti përfaqësues i shkollës së mesme e ulët “4 Prilli”, Zllatar, Ferizaj, si dhe Zijadin Sulejmani dhe Ismet Smira.
Temë diskutimi ishte projekti “Bashkëpunimi midis shkollave ku flitet shqip”, me këto fusha bashkëpunimi:
- Njohja me historikun dhe promovimin e vlerave të shkollave,
- Shkëmbimi i përvojave në procesin e mësimdhënies dhe fushat e edukimit të nxënësve
- Aktivitet të përbashkëta për të njohur traditat kulturore-artistike të trojave shqiptare.
Pas përfundimit të takimit vizituan hapësirat e shkollës, si dhe drejtoresha u tregoi për mënyrën e organizimit dhe zhvillimin e mësimit tërëditor.
