Milaim Ameti është një nga ekonomistët e ri më të suksesshëm, i diplomuar në Universitetin Shën Qirili dhe Metodi.
Aktualisht është pjesë e kabinetit të zv. kryeministrit të shtetit për çështje ekonomike, i angazhuar për vëzhgim të reformave strukturale dhe menaxhimit.
Edhe pse shumë i ri në moshë ai ka një përvojë 8 vjeçare në Odën Ekonomike Veri Perëndimorë të Maqedonisë, fillimisht si projekt menaxher dhe më pas si drejtor operativ ku ka menaxhuar 7 projekte me donator dhe 10 projekte në kuadër të Odës Ekonomike.
Aftësitë e tij profesionale janë ekspertizë në udhëheqjen me projektet, analiza ekonomike, strategji mikroekonomike dhe shumë të tjera.
Në sferën e hulumtimit Milaimi është redaktor i E-buletinit, për analiza ekonomike dhe hulumtime “Ekonomikus” dhe përgjegjës për raportin e indeksit global të konkurrencës në Maqedoni.
Emiri është profesionist strategjik i komunikimit me përvojë në media, kompani konsultative, qeveri dhe projekte ndërkombëtare.
Aktualisht është koordinator për Ballkanin Perëndimor në Institutin për Dialog Strategjik në Londër. Para kësaj, ishte menaxher i zhvillimit të programit USAID NMCI ku ai punoi në projekte të shumta në bashkëpunim me organizata të shoqërisë civile, institucione qeveritare, media, etj.
Gjithashtu shërbeu si këshilltar special për marrëdhënie ndërkombëtare dhe komunikime te kabineti i ministres së mbrojtjes Radmila Shekerinska, gjatë mandatit ku Republika e Maqedonisë Veriore fitoi anëtarësim të plotë në NATO.
Gjatë karrierës së tij, ka punuar për agjenci ndërkombëtare të konsulentësh me reputacion në SHBA dhe Katar si BLJ Worldwide dhe Fenton dhe ka pasur klientë të shumtë prestigjiozë në industrinë globale të farmaceutikës, ndërtimit, organizatave jofitimprurëse dhe grupeve të lobit.
Nëpërmjet programit YES ishte pjesë e gjeneratës së parë të nxënësve të shkollave të mesme të cilët shkuan si shkëmbim në SHBA nga Maqedonia.
Është i diplomuar në Universitetin prestigjioz Georgetown në SHBA drejtimi Marrëdhëniet Ndërkombëtare. Flet rrjedhshëm shqip, anglisht, boshnjakisht, maqedonisht dhe frëngjisht.
