Kryetari i Komunës së Çairit Visar Ganiu vizitoi shkollën tonë duke uruar të gjithë mësimdhënësit dhe nxënësit për fillim të mbarë të gjysëmvjetorit të dytë në vitin shkollor 2017/2018. Me këtë rast, ai u shpreh: “Kur ndodhesh në mesin e nxënësve dhe sheh entuziazmin e tyre në rrugën e dijes, kthehesh pas në vitet e shkollimit, ndër përjetimet më të bukura dhe më kuptimplote të jetës. Kujton mësuesin e parë, kureshtjen e një fëmije për të ditur sa më shumë, miqësinë e krijuar dhe plot kujtime që koha nuk i shlyen dot nga kujtesa. Sot nga Shkolla Fillore “Hasan Prishtina” në Çair bashkë me nxënësit e saj ju urojmë fillim të mbarë të gjysëmvjetorit të dytë të vitit shkollor të gjithë nxënësve dhe mësimdhënësve. Nxënës të dashur, “Libri ndriçon mendjen, mendja ndriçon botën”, mësoni për të qenë të dobishëm për veten, familjen, shoqërinë dhe kombin!”
