Përforcojmë mekanizmat mbrojtës nga virusi Covid 19 në shkollën tonë. Nga ana e komunës Çair u vendosën paravanë mbrojtës për nxënësit që ndjekin mësimin me prezencë fizike!
Drejtoresha e shkollës Lulieta Qerimi së bashku me ministren e arsimit dhe shkencës Mila Carovska dhe kryetarin e komunës Çair Visar Ganiun informuam opinionin rreth implementimit të projektit që po realizohet nga komuna Çair për vendosjen e paravaneve mbrojtëse që do të jenë në shërbim të nxënësve nga klasa e parë deri në klasën e tretë, të cilët mësimin e zhvillojnë me prani fizike gjatë kësaj periudhe të procesit të modifikuar edukativo – arsimor.
Qëllimi i këtij projekti është të rrisim nivelin e sigurisë shëndetësore tek fëmijët duke mundësuar mbrojtje më efikase nga rreziku i infektimit.
Komuna e Çairit ka fokus primar mirëmbajtjen e rregullt të shkollave fillore dhe në këtë mision partner konstruktiv ka Ministrinë e Arsimit dhe Shkencës, si dhe donatorët privat.
