Sot, SHFK “Hasan Prishtina” iu bashkua aktiviteteve ekologjike “Pastrimi gjeneral Weekend 2026”, me qëllim ngritjen e vetëdijes së nxënësve për rëndësinë e mbrojtjes së mjedisit dhe ruajtjes së hapësirave të pastra.
Në kuadër të këtij aktiviteti, nxënësit dhe stafi i shkollës realizuan pastrimin e oborrit të shkollës dhe hapësirave përreth saj, duke dhënë kontribut konkret për një ambient më të pastër, më të shëndetshëm dhe më të sigurt.
Gjithashtu, gjatë ditës u realizuan edhe orë mësimore në lëndë të ndryshme, ku u trajtuan tema që lidhen me ekologjinë, riciklimin, kujdesin ndaj natyrës dhe përgjegjësinë qytetare për mbrojtjen e mjedisit.
Me pjesëmarrjen aktive të nxënësve, mësimdhënësve dhe stafit, shkolla jonë dëshmoi përkushtimin e saj në edukimin e brezave të rinj me vlera ekologjike dhe qytetare.
