Sot një pjesë e nxënësve të shkollës tonë të cilët korën suksese në gara komunale, rajonale dhe shtetërore ishin në takim me kryetarin e komunës Çair, Visar Ganiu
Sot kryetari i Komunës së Çairit, Visar Ganiu, ishte nikoqir i nxënësve dhe mentorëve të shkollave fillore të Komunës së Çairit: “Hasan Prishtina”, “Vasil Gllavinov”, “Ismail Qemali” dhe “Kongresi i Manastirit”, të cilët kanë arritur shumë suksese në gara rajonale dhe shtetërore duke marrë vendin e parë, të dytë dhe të tretë.
Ata triumfuan në fusha të ndryshme biologji, informatikë, gjuhë angleze, astronomi, modelim të anijeve kozmike e muzikë.
Nxënësve, mentorëve të tyre, sikurse edhe drejtorëve të shkollave, Ganiu u uroi shumë suksese dhe i përkujtoi që asnjëherë nuk duhet të largohen nga rruga e diturisë.
