Të nderuar prindër, nxënës të dashur
Ju informojmë se këtë vit regjistrimi i fëmijëve në klasë të parë për vitin shkollor 2020/2021 do të realizohet në përputhje me situatën e re, për shkak të pandemisë globale të virusit COVID-19.
Në bazë të nenit 59, 60 dhe 61 nga Ligji për Arsim Fillor (G.z. 161/19) në klasë të parë do të regjistrohen të gjithë fëmijët të cilët deri më 31.12.2020 (viti i lindjes 2014) i mbushin 6 vjet.
**Në klasë të parë mund të regjistrohen edhe fëmijët e lindur deri më 31.01.2015 me kërkesë paraprake nga prindi/kujdestari dhe mendimit të marrë nga shërbimi pedagogjik i shkollës.
Për këto arsye, regjistrimi në klasë të parë do të bëhet si më poshtë:
- Të gjithë prindërit/kujdestarët e interesuar mund të plotësojnë
aplikimin online
për regjistrim në klasë të parë ku do të marrin përgjigje kthyese për terminin e caktuar.
- Për prindërit / kujdestarët që nuk kanë mundësi ta plotësojnë aplikimin në mënyrë elektronike, ata mund të vijnë në shkollë që të plotësojnë aplikimin dhe ju caktohet termini, çdo ditë pune nga ora 12:00 – 14:00, prej datës 14 – 29.05.2020
Dokumentet e nevojshme për regjistrimin:
-
çertifikata e lindjes (kopje)
-
vërtetim për vaksinat e pranuara (institucioni kompetent për shkollën tonë – Poliklinika “Bit Pazar”)
-
vërtetim nga stomatologu (institucioni kompetent për shkollën tonë – Poliklinika “Bit Pazar”)
-
letërnjoftimi i prindërit/kujdestarit (për identifikim)
-
për klasat në mësim të vazhdueshëm të dy prindërit duhet të dorëzojnë kopje M1 dhe M2
Dokumentet duhet të dorëzohen në ditën e intervistës së fëmiut që do të fillon prej 1 qershor sipas terminit të caktuar
Për çdo informatë shtesë apo paqartësi mund të na kontaktoni nëpërmjet e-mail adresës ose telefonit:
regjistrim@hasanprishtina.edu.mk 02 2621 055 (ora 12:00-14:00)
Duhet të jemi të fortë dhe të vetë-disiplinuar, të bëjmë distancën shoqërore, me qëllim që të mbrojmë shëndetin tonë dhe të njerëzve të tjerë.
Faleminderit për bashkëpunimin!
Nga drejtoria
