Në ShFK “Hasan Prishtina” u realizua një donacion në veshmbathje nga shoqata bamirëse “Hasene” nga Maqedonia e Veriut, i dedikuar për nxënësit me nevojë.
Ky donacion paraqet një ndihmë të rëndësishme dhe një gjest human, i cili sjell mbështetje konkrete për nxënësit dhe familjet e tyre. Përmes këtij kontributi, shoqata “Hasene” dëshmoi edhe një herë rëndësinë e solidaritetit, humanizmit dhe kujdesit ndaj fëmijëve.
Drejtoria dhe stafi i ShFK “Hasan Prishtina” shprehin falënderime të sinqerta për shoqatën bamirëse “Hasene” për ndihmën e dhënë dhe përkushtimin e treguar. Shkolla vlerëson lart çdo iniciativë që kontribuon në mirëqenien e nxënësve dhe në forcimin e vlerave humane në shoqëri.
